សូរសំឡេងដក់ក្នុងបេះដូង

សាច់រឿងផ្តោតលើ Gu Sheng ដែលជានិស្សិតឆ្នាំចុងក្រោយម្នាក់មានចិត្តស្រឡាញ់តន្ត្រី។ នាងតែងតែតស៊ូព្យាយាមដើម្បីសម្រេចក្តីសុបិនរបស់ខ្លួន ខណៈពេលដែលលាក់បាំងអត្តសញ្ញាណមួយទៀតក្នុងនាមជាតន្ត្រីករតន្ត្រីបុរាណដ៏ស្ងប់ស្ងាត់ម្នាក់ ដែលគេស្គាល់ក្នុងឈ្មោះថា “Sheng Sheng Man”។ នាងតែងតែប្រាថ្នាចង់មានឱកាសសហការជាមួយបុគ្គលម្នាក់ដែលនាងលួចកោតស្ញប់ស្ញែង គឺ “Qiang Qing Ci” ដែលជាតារាល្បីក្នុងវិស័យសម្លេង (voice acting)។ ដោយចៃដន្យ នាងបានជួបជាមួយ Mo Qingcheng (ដែលតាមពិតទៅគឺ “Qiang Qing Ci” ផ្ទាល់តែម្តង) នៅក្នុងព្រឹត្តិការណ៍មួយ។ ក្រោមជំនួយពីមិត្តភក្តិជិតស្និទ្ធរបស់ Gu Sheng ទំនាក់ទំនងរវាងអ្នកទាំងពីរក៏កាន់តែជិតស្និទ្ធឡើង។ បន្ទាប់មក Mo Qingcheng បានប្រើប្រាស់អាហារដ៏ឈ្ងុយឆ្ងាញ់ និងសម្លេងដ៏ទាក់ទាញរបស់គាត់ ដើម្បីចាប់ផ្តើមផែនការយកឈ្នះចិត្តនាង។ នៅពេលដែល Gu Sheng ដឹងខ្លួន នាងក៏បានធ្លាក់ចូលទៅក្នុង “អន្ទាក់ដ៏ផ្អែមល្ហែម” ដែល Mo Qingcheng បានរៀបចំទុកនោះទៅហើយ។