ខ្មោចយាមភ្នំ​

បន្ទាប់ពីរយៈពេល ២៤ ម៉ោងដោយគ្មានដំណឹងពីមិត្តប្រុសរបស់នាងដែលបានទៅឡើងភ្នំ Awindya ដែលជានិស្សិតវិទ្យាល័យម្នាក់ បានសម្រេចចិត្តបបួលមិត្តភក្តិពីរនាក់របស់នាង គឺ Agnes និង Mojo ឱ្យទៅតាមរកមិត្តប្រុសរបស់នាងនៅឯភ្នំ Merbabu។ ពេលទៅដល់ទីនោះ ពួកគេបានដឹងថា អ្នកថែរក្សាភ្នំ (ឬហៅថា Kuncen) បានស្លាប់យ៉ាងអាណោចអាធ័មដោយសារអំពើអបិយជំនឿ (អំពើអាបធ្មប់)។ រួមជាមួយមនុស្សពីរនាក់ទៀតគឺ Yoga និង Diska ដែលបានបាត់បង់មនុស្សជាទីស្រឡាញ់របស់ពួកគេនៅលើភ្នំនេះដែរនោះ ពួកគេបានសម្រេចចិត្តស្វែងរកថា តើអ្នកណាជាអ្នកថែរក្សាភ្នំ (Kuncen) ថ្មី ដើម្បីស្វែងរកមិត្តភក្តិដែលបានបាត់ខ្លួន។ យោងតាមជំនឿក្នុងតំបន់ គេជឿថាប្រសិនបើគ្មានអ្នកថែរក្សាភ្នំ (Kuncen) ទេនោះ ភ្នំនេះនឹងក្លាយជាកន្លែងពោរពេញដោយអាថ៌កំបាំង ហើយសត្វអមនុស្ស ឬវិញ្ញាណអាក្រក់ផ្សេងៗនឹងអាចធ្វើបាប និងបង្កការភ័យខ្លាចដល់អ្នកណាដែលហ៊ានចូលទៅក្នុងនោះ។ តើពួកគេនឹងអាចស្វែងរកអ្នកស្នងតំណែងជាអ្នកថែរក្សាភ្នំ (Kuncen) នោះបានដែរឬទេ?